Timor-Leste ho Australia Aumenta Tan Koperasaun Ekonomia ho Komersiu

DILI, www.news-viptv.com – Governu Australia prontu no sei aumenta koperasaun bilateral iha área ekonomia no komersial.

Koperasaun bilateral ne´e Australia desidi hafoin simu vizita estadu Prezidenti Republika Jose Ramos-Horta durante loron nen ba iha Australia.

Alende koalia asuntu ekonomia no komersial, Prezidenti Republika Jose Ramos Horta mos sai sasin ba koperasuan defesa, ne´ebe Governu Australia apoia ro naval ba Governu Timor-Leste hodi kontrola área marítima nian.

Iha nia vizita estadu ne´e, xefi estadu mos hasoru malu ho komunidade no sosiedade Australia sira hodi koalia mos kona ba Timor-Leste nia mehi, preokupasaun no futuru.

Vizita estadu Prezidenti Republika ba Australia nudar vizita estadu ba daruak hafoin simu posse iha 20 Maiu liu ba. Vizita dahuluk xefi estadu halo ba Indonesia no hasoru mlau ho Prezidenti Republika Indonesia, Joko Widodo.

Iha fim Setembru, Prezidenti Republika mos sei halo tan vizita estadu ba Estadu Unidos Amerikanu hodi partisipa mos iha Asembleia Jeral Nasoens Unidas nian.