Timor Island Adventura 2024, Assanami: Promove Desportu, Turizmu, Paz no Rekonsiliasaun

Atambua, www.news-viptv.com –Vise Primeiru Ministru no Ministru Koordenador Assuntu Sosial ho Ministru Desenvolvimentu Rural no Habitasaun Komunitaria, Eng. Mariano Assanami Sabino, akompana Xefi Estadio Maior Jeneral, Falur Rate Laek hamutuk ho Vise Administrador Belu, Aloysius Haleserens offisialmente loke torneiu bisikleta internasional, Timor Island Adventure 2024 ne’ebe start husi Fulan Fehan Atambua, NTT, Indonesia, Domingu (8/12/2024).

Torneiu ne’ebe organiza husi Presidensia Republika ho Governu Timor-Leste ne’e partisipa husi siklista internasional husi Australia, Indonesia no Timor-Leste.

Mariano Assanami Sabino nudar mos Prezidenti Komisaun Organizadora ba eventu ne’e hateten katak eventu ne’e mos nudar komitmentu governu Timor-Leste hodi promove paz no rekonsiliasaun entre povu rai rua.

Vise Administrador Belu, Aloysius Haleserens agradese ba governu Timor-Leste ne’ebe hili ona fatin turizmu Fulan Fehan nu’udar pontu start ba eventu internasional ne’e, no orgullu ho governu Timor-Leste maski diferente nasaun, maibe kontinua hametin relasaun familia no kultura entre nasaun rua liliu iha area fronteira.

Iha etapa dahuluk, rute termina iha Jalan Sabuk Merah liu turismo relojioza Igreja Laktutus Malaka.