STAE Ainaro Distribui Material Eleisaun ba Sentru Votasaun

AINARO, www.news-viptv.com –  Sekretariadu Teknika Eleitoral Administrasaun (STAE) Munisipiu Ainaro distribui ona material no ekipamentus ba sentru votasaun no paralelu sira.

Seremonia distribuisaun material no ekipamentu sira ne’e halao iha edifisiu Administrasaun Munisipiu Ainaro no asisti deretamente hosi Administrador Munisipiu Ainaro, Leovigildo Amaral Pereira no Komandante PNTL Munisipiu Ainaro, Superintedente Polisia Justino de Menezes, Segunda (18/4/2022).

Ba VIP TV, Administrador Munisipiu Ainaro husu ba povu Ainaro atu idak idak ejerse nia votu ho disiplina no hakmatek hodi hili Prezidente Republika se maka povu desidi.

Alende ne’e Komandante PNTL Ainaro informa komndo polisia sei la tolera ba se-se deit maka hakarak hamosu problema durante loron eleisaun no sei konsidera aktu sira ne’e krimi.

Munisipiu Ainaro hamutuk iha eleitores 45.833, ne’ebe hosi numeru ne’e iha eleisaun 19 Marsu eleitores 34.853 maka ezerse nia votos.

Hosi Sentru votasaun 70 ne’ebe iha, ba volta dahuluk, kandidatu Jose Ramos Horta maka hetan votos barak liu iha munisipiu ne’e ho votantes hamutuk 17.359 no Fracisco Guterres Lu-Olo hetan det 3.277.

Reportagem: Clementina Fatima