DILI, www.news-viptv.com – Klubu volley ball indoor Assosiasaun Desportiva Sports Laulara e Benfica (AD. SLB) feto no mane sai kampiaun ba Liga Volley Timor-Leste (LVTL) 2023.
Ekipa feto AD. SLB, selebra uluk nia kampiaun hafoin iha nia jogu final manan klubu Choque ho skoru 3-0 (25-18, 25-15 no 25-22). Entertantu, mane nian, AD. SLB mos manan ho skoru hanesan 3-0 (27-25, 25-20 no 25-23).

Ho vitoria AD. SLB nian tantu feto no mane hetan osan ho montante US$ 8,000.00, no Klubu Choque hetan US$ 6,000.00 (kada feto no mane).
Ba pozisaun datoluk, feto okupa hosi ADR. União no Assalam iha fatin dahat no deretu bao san US$ 2,000. Ba mane nian fatin datoluk okupa hosi klubu K-Link no Atoni Ambeno iha dahat.
Jogu final feto no mane ne’e hetan prezensa hosi Primeiru Ministru Xanana Gusmão ne’ebe mos nu’udar prezidenti ba klubu AD. SLB no Ministru Juventude, Desportu, Arte no Kultura (MJDAK), Nelyo Isaac Sarmento.
Treinador AD.SLB, Mario Belo Soares de Souza hateten nia parte orgullu tebes ho kompetisaun ne’e tamba bele sai manan nain ba feto no mane.
“Ami nian team volley diak tebes no hau kontente tebes ho jogu ne’e no hau garantia nafatin hau nia team iha jogu tuir mai sei nafatin sai kampiaun,” hateten Mario ba jornalista sira iha Ginaziu Desportu Dili, Tersa (5/12/2023).
Entertantu PM Xanana kongratula ba jogador hotu hosi ekipa hot-hotu ba manan nain no sira ne’ebe la manan.