banner 1000x250

Servisu iha ODS, g7+ Halo Kooperasaun ho Ajensia ONU

  • Share
Sekretariu Jeral g7+, Helder da Costa kaer liman ho Koordenador Residensia Edifisiu UN iha Timor-Leste, Funmi Balogun. Foto: Dok g7+
banner 728x90

DILI, www.news-viptv.com –  Hodi servisu hamutuk iha area kona ba Objetivu Dezenvolvimentu Sustensavel (ODS), organizasaun internasional g7+ halo kooperasaun ho ajensia Organizasaun Nasoens Unidas (ONU) sira iha Timor-Leste.

Kooperasaun ne’ebe g7+ halo ho ajensia ONU sira mos inklui ho embaixador Timor-Leste nian ba Singapura ne’ebe kesi liu hosi asina memorandum of understanding (MoU). Ajensia ONU sira ne’e maka WHO, UNICEF, WFP, UNFPA, UN WOMEN, UNESCO, UNDP, IOM, no ILO.

banner 1000x250
Sekretariu Jeral g7+, Helder da Costa, Koordenador Residensia Edifisiu UN iha Timor-Leste, Funmi Balogun no reprezentante ajensia ONU iha Timor-Leste. hasai foto hamutuk. Foto: Dok g7+

Sekretariu Jeral g7+, Jerál Helder da Costa hateten objetivu hosi asina MoU ne’e atu partilla esperiensia ho UN hodi bele servisu hamutuk atu haree ba iha area sira hanesan Edukasaun saúde no sel-seluk tan.

“Ohin ami asina MoU ida-ne’e katak sei servisu hamutuk iha area kona-ba Objetivu Dezenvolvimentu Sustentavel hodi fahe esperiensia ba malu hodi lori esperiensia Timór nian ba rai-liu no mo’os lori ema sira hosi rai-seluk ho konflitu mai Timór-Leste hodi fahe esperiensia ba ita nia maluk Timor-Oan sira,” informa Helder da Costa, Kuarta (13/12/2023), iha Kuartel Jeral g7+ Palacio do Gpverno, Dili.

MoU ne’e, esplika Helder da Costa, konsidera hanesan plataforma ida hodi bele amenta esperiensia ho UN sira hodi fo ideias lubuk ida atu ita servisu hamutuk iha area edukasaun, edukasaun Cívica, jovem feto, saúde ba paz no rekonsilliasaun.

Sekretariu Jeral ne’e esklarese katak, sira konkorda ona iha tinan 2024 ba oin sei iha planu ida hodi servisu hamutuk ho UN atu bele konkretiza atividade konkretu hodi partilla ideia balun iha TL atu bele mantem paz no dezenvolvimentu.

“Iha diskusaun ohin ami konkorda ona katak iha 2024 ba oin ami sei halo planu de asaun ida, hodi servisu hamutuk ho UN atu nune’e ita bele kontertiza atividades konkretu sira-ne’e atu halo, servisu imparsial hamutuk UN no liñas ministeriais balun iha Timor-Leste hodi partilla ita-nia esperiensia iha Timor laran atu mantem paz no unidade iha ita nia rai no moos pais seluk, tamba ne’e mak ami senti kontenti enkorazado hodi hetan konfiansa hosi UN bele asina aktu históriku ida-ne’e, tamba primeira vez akontese iha TL sedauk iha rai-seluk,” dehan Helder da Costa.

Iha fatin hanesan Embaixador Timor-Leste ba Singapura, Alex Tilman informa ONU ho g7+ servisu ho nia objetivu ida de’it maka atu harii paz no dezemvolvimentu.

“Nasaun Unidas ho  g7+ serbisu  ho objetivu ida de’it katak atu harii paz hodi asegura  dezenvolvimentu ba nasaun hotu-hotu, no tuir g7+ rasik ho nia tema katak laiha paz, laiha dezenvolvimentu, ne’e duni Nasoens Unidas iha ninia misaun ida liuliu nasaun sira-ne’ebé mak iha nia membru g7+, ho nune’e ONU bele kontribui iha interpratika oinsá bele halo ligasaun ida-ne’e sai forte liutan atu bele promove g7+ nia objetivu iha pais membru g7+ nian hodi halo advokasia paz no dezenvolvimentu,” dehan embaixador ne’e.

Programa konkretu ba tinan oin mai iha primeiro trimestre g7+ sei servisu hamutuk ho ONU sei konvida nasaun Holanda, Kambodia hanesan país ida-ne’ebé mak avansadu no sai ona hosi Konflitu atu mai iha TL hodi servisu hamutuk ho ONU atu bele partilla esperiensia no inspirasaun ba malu oinsá atu hametin instituisaun ba unidade paz no rekonsiliasaun.

  • Share

Leave a Reply

Your email address will not be published. Required fields are marked *

error: Content is protected !!