SEPS Lansa Portal Offisiál APC

Dili, www.news-viptv-com –  Sekretariu Estadu Protesaun Sivil (SEPS), Eng. Joaquim Gusmão Martins offisialmente lansa portal offisiál Autoridade Proteção Civil (APC) ho naran domain www.apc.gov.tl , Kuarta (15/2/2023), iha Auditoriu Sentru Formasaun Polisia, Comoro, Dili.

Nudar autoridade ne´ebe responsabiliza ba protesaun sivil nian, sekretariu estadu protesaun sivil esplika, objetivu kriasaun portal offisial APC nian ne´e maka hakarak hakbesik nia servisu iha komunidade sira.

Alende lansa portal APC nian, APC mos asina nota de intendementu ho RTTL EP ba asuntu publikasaun televizivu hodi bele divulga informasaun ho lais iha teritoriu Timor-Leste tomak.

Diretór Ezekutivu TIC Timor, I.P, Roberto Caetano de Sousa Vicente iha nia intervensaun badak agradese ba APC ne´ebe fo fiar ona ba TIC Timor hodi dezemvolve portal APC nian.

Entertantu Prezidenti RTTL EP, Jose Belo esplika parte RTTL EP prontu loke nia odamatan ba instituisaun governu ne´ebe det maka hakarak uza kanal ne´e hodi publika sira nia atividade ka programa servisu nian.

Iha seremonia lansamentu ne´ebe apoia hosi parseiru UNDP liu hosi projetu Salvaguarda Komunidade Rural no impaktu dezastre hosi mudansa klimatika nian, representante UNDP hateten sira nia parte prontu atu supporta nafatin APC iha programa relasiona ho dezastre naturais nian.