SEPC REALIZA TABLE TOP EXERCISE BA PROTESAUN SIVIL

DILI, 21 JUNU 2022 – Sekretaria Estadu Protesaun Sivil (SEPC) liu hosi Diresaun Jeral Protesaun Sivil realiza atividade Table Top Exercise (TTX) ba Protesaun Sivil durante loron rua hahu 21 to’o 22 Junu 2022, iha Hotel Timor, Dili.

Atividade TTX ne’ebe servisu hamutuk entre Australia no Estadu Unidos Amerikanu ne’e realiza ho objetivus hosi TTX ne’e maka oinsa atu atualiza planu kontijensia desastre nasional ba inundasaun ne’ebe trasa iha tinan 2006, halo teste ba estrutura protesaun sivil, estabelesesentru operasaun, estrutura no Sistema informasaun, nune’e mos halo teste ba Lei Protesaun Sivil, SIOPS Protesaun Sivil, analiza ba nesesidade treinamentu ne’ebe foka ba buska no salvamentu, no mos teste ba Lei Seguransa Interna, inklui teste ba planu komunikasaun nasional.

“Pontu importante mak sei halo diskusaun oinsa mak mellor ita nia kondisoes koordenasaun ne’ebe kapas, harmonizia, integra no komponente tomak iha asaun ida deit iha dezastre naturais,” dehan Superintedente Polisia Ismail da Costa babo ba jornalista sira, Tersa (21/6/2022), iha Hotel Timor, Dili.

Iha fatin hanesan, nudar parseiru Tenente Koronel Lachlan Searle hosi Programa Koperasaun Defeza nia esplika Forsa Australianu nia prezensa iha TTX ne’e maka oinsa fo supporta ba Embaixada Australia hodi servisu iha area protesaun sivil ho involvimentu militar nian iha asaun humanidade.

“Ksolok no Forsa Australia bele hamutuk hodi supporta atividade protesuan sivil ba desastre naturais nian,” dehan Tenente Koronel Searle.

Atividade TTX ne’e loke hosi Diretor Jeral Protesaun Sivil, Superintendenti Polisia Ismael da Costa Babo no hetan partisipasaun hosi parseiru F-FDTL, PNTL no ina ministerais sira, inklui Forsa Estadu Unidos Amerikanu no ajensia internasional sira iha Timor-Leste.