Selebra Paskoa iha RAEOA, PR Ramos-Horta Halo Asaun Karidade

OEKUSI, www.news-viptv.com – Prezidente Repúblika Jose Ramos-Horta akompaña husi Prezidente Autoridade RAEOA, ho Kordenadór Ezekutivu ZEEDOA, fahe nesesidade báziku ba komunidade sira iha iha aldeia Makelab, suku Taiboko, postu administrativu pante Makassar, Rejiaun administrativa espesiál Oe-cusse Ambeno (RAEOA).

Sasan nesesidade ne’ebe xefi estadu fahe ne’e maka hanesan, foos, mina sona, manutolun, material desportu, inklui roupa protesaun ba peskadór sira.

Iha Oe-Cusse komunidade barak mak sei enfrenta difikuldade moris, tanba ne’e Prezidente Repúblika ho laran luak vizita komunidade sira to’o fatin, hodi haree direta komunidade nia situasaun no kondisaun moris, nomos fahe netik ai-han balun ba komunidade nu’udar asaun karitativa ida hodi selebra festa paskua.

Lider komunitáriu aldeia Makelab ho nia komunidade agradese ba apoiu husi Prezidente Repúblika, ne’ebe tulun ona sira, hodi selebra festa paskua.