SEKOMS Realiza Formasaun kona ba Politika ASEAN iha area Informasaun no Komunikasaun Sosial

DILI, www.news-viptv.com – Sekretaria Estadu Komunikasaun Sosial hamutuk Ministeriu Negosiu Estranjeiru no Kooperasaun realiza formasaun ba entidade komunikasaun social sira iha Timor-Leste relasiona ho servisu ASEAN, Kuarta (6/3/2024), iha Novo Turismu, Dili.

Objetivu formasaun ne’e hodi aumenta konesementu partisipante sira kona ba politika no servisu kooperasaun ASEAN nian iha area informasaun no komunikasaun social, inklui hodi hatene planu estratejiku setor informasaun no komunikasaun social  2016-2025.

Iha nia intervensaun, Sekretariu Estadu Komunikasaun Sosial, Expedito Dias Ximenes hateten, formasaun ne’e importante ba Timor-Leste tamba bele aumenta konesementu partisipante sira, inklui bele aprende liu tan ho membru nasaun ASEAN sira kona ba teknolojia no informasaun, espesialmente ba komunikasaun social.

Formasaun ho naran ASEAN Travelling Resource Person Programm on ASEAN Socio Cultural Community ne’e nudar atividade preparasaun Timor-Leste hodi adere ba ASEAN.