SEI Sei Halo Kampana Violensia Kontra Feto no Labarik Feto Durante Loron 16 iha RAEOA

Dili, www.news-viptv.com – Atu hasa’e konesementu no hamenus kualker tipu violensia hasoru feto no labarik feto sira, Sekretaria Estadu Igualidade (SEI) sei realiza kampana violensia kontra feto no labrik feto durante loron 16 iha Rejiaun Administrativa Espesial Oekusi Ambeno (RAEOA).

Ba jornalista sira hafoin hasoru malu ho Prezidenti Republika, Jose Ramos Horta, Sekretaria Estadu Igualidade, Elvina de Sousa Carvalho esplika, the 16 days campaign halao hodi fo informasaun klaru ba direitu feto no labarik feto nian meiu saida mak Ita iha apra hodi bele halo prevensaun ba iha kualker tipu de violensia nebe kontra feto no labarik feto sira.

“Iha semana oin Ita sei selebra loron 16 days campaign, kampanha violensia kontra feto sira no labarik feto sira no iha loron durante durasaun 16 nia laran ne’e Ita sei hare no ijiji ba iha lineais miniteriais sira no ba iha ema hotu, ne’e Ita bele dehan katak kampanha durante loron 16 hodi hasa’e ema nia konesementu atu bele hamenus kualker tipu de violensia hasoru feto no labarik feto sira,” informa Elvina Carvalho, Segunda (20/11/2023), iha Palasiu Prezidensial, Dili.

16 Days Campaign, esplika sekretaria estadu ne’e, importante hodi halao nune’e bele muda ema nia mentalidade, liliu ba mane sira ne’ebe gosta halo violensia hasoru feto no labarik feto sira.

“Hapara violensia kontra feto no labarik feto sira nomos halo promosaun ba igualidade ne’e laos responsabildade sekretaria estadu, ne’e laos ba igualidade deit maibe responsabildade Ita hotu nian, responsabildade entidades hotu tanba iha para hodi bele asegura iha atinji sosiedade ne’ebe maka igual no justu, persiza kontribusaun hotu-hotu nian,” dehan membru governu ne’e.

Nia hatutan, “Hau bele hateten katak Ita nia kultura patreakal ne’ebe mak Ita iha, dala ruma miss interpreta husi maluk mane sira, nomos husi sosiedade pra hodi hanehan feto maluk sira. Iha balun ne’ebe hanoin katak, nia iha direitu tomak atu bele halo kestaun ba feto no labarik feto ruma ka ou nia iha direitu tomak atu halo violensia kualker tipu de violensia ba feto ida mais ne’e labele, tanba Ita hotu iha direitu no dever ne’ebe hanesan. Tanba ne’e maka fukun ne’e barak maibe atu hateten deit fukun saida deit importante laiha ema ida ne’ebe iha direitu atu halo intimidasaun no halo violensia hasoru Ema seluk”.

Nono Governu Konstitusional iha lideransa Primeiru Ministru Kay Rala Xanana Gusmão iha mos programa oinsa hodi dudu feto potensial no kualidade bele sai lideransa iha kualker kargu.

Nia mos informa katak dadauk ne’e feto iha numeru 40% maka tuur iha kadeira Parlamentu Nasional, inklui iha eleisaun lider komunitaria, iha feto nain 18 maka eleita ba xefi suku no 86 ba xefi aldeias.