banner 1000x250

Sedauk Deklara, Ekipa Susesu Kandidatu PR Jeneral Lere Hahu Servisu Ona

  • Share
Imajem Ekipa Supporta Kandidatura Jeneral Lere Anan Timur ba Prezidneti Republika 2022-2027.
banner 728x90

DILI, www.news-viptv.com – Maski offisialmente Tanente Jeneral Lere Anan Timur sedauk deklara nia kandidatura ba Prezidenti Republika (PR) 2022-2027, maibe ekipa susesu Lere nia hahu ona servisu.

Servisu ekipa susesu Kandidatu PR Lere Anan Timur nian ne’e bele hare liu hosi Pajina Offisial Facebook Ekipa Suporta Jeneral Lere Anan Timur ba Prezidenti Republika 2022-2027 ne’ebe kria ona desde 20 Jullu 2021.

banner 1000x250

Pajina ne’e rasik harii ho objetivu suporta Jeneral Lere ba Prezidente Republika 2022-2027.

“Tempu to’o ona halo dezenvolvimentu sosial no ekonomiku liu husi estabilidade guvernativa iha Prezidente Jeneral LAT nia ukun,” hakerek esplikasaun kona ba pajina ne’e.

Pajina ne’e rasik hetan Like ona hosi ema nain 3.561 no hetan follow hosi ema nain 3.602. Inklui iha pajina ne’e posting kona ba fampletu razaun lori Jeneral Lere ba kandidatu PR.

Iha publikasaun foin loron 19 Janieru 2022 pajina ne’e posting fotografia oan mane Saudozu Nicolau Lobato, Jose Lobato ne’ebe hamutuk ho Jeneral Lere.

Ba nia kandidatura PR, Jeneral Lere ohin liu hosi Sorumutuk Konsellu Ministru ezonera ona Jeneral Lere hosi Xefi Xefe Estadu-Maior Jeneral Forsas Armadas.

Jeneral Lere Anan Timur moris iha Daraa Mara, Iliomar, 2 Fevereiru 1952. Oan hosi Domingos Dos Santos ho Filipa do Santos.

Kareira Jeneral Lere iha F-FDTL hahu ho kargu Xefi Estadu Maior das F-FDTL iha tinan 2002 to’o 2011, depois kontinua ba Xefi Estadu Maior Jeneral F-FDTL 2011 to’o 2022.

Iha tempu okupasaun Indonesia, iha tinan 1975 nudar Vise Sekretariu Zona Iliomar.

1976 – 1978  eletu sai Delegadu Komisariadu no nomeadu Sekretariu Zona Marabia Traktor no Responsavel RENAL iha Ponta Leste.

1978 – 1980 Komandante Sul Ponta Leste

1981 Membru Komite Central FRETILIN no Komisariu Politiku Rejiaun Funu sei nafatin

1983 – 1984 Komisariu Politik Rejiaun Haksolok. Destakadu iha fronteira hamutuk Komandante Feras, Komandante Lekas no sira seluk hanesan Saudozu Samba 9, Maukaro 305, no kamarada sira seluk

1984 – 1990 Komandante 4 Unidade iha Sentru Sul hamutuk ho Komandante Ular Ri’ik

1990 – 1999 Primeiru Komandante Rejiaun Ponta Sul no Responsavel Prinspal

1997 – 1999 Sub Xefi Estadu Maior FALINTIL no Primeiru Komandante Rejiaun Ponta Leste pur  akumulasaun

Writer: MEILANA, Evangelisto SantosEditor: DOS SANTOS, Agida
  • Share

Leave a Reply

Your email address will not be published. Required fields are marked *

error: Content is protected !!