Rezulasaun Governu Bandu OAM Realiza Treinu, OAR 77 La Hanorin Nia Ema Sai Naokten

DILI, www.news-viptv.com – Relasiona ho kapturasaun ne’ebe PNTL Munisipiu Dili halo ba membru organizasaun arte marsiais husi IKS nain 9 iha Manleuana, KRAM konsidera los tamba dadauk ne’e tuir rezulusaun ne’ebe hasai husi Konsellu Ministru iha Abril liu ba, governu suspende hotu atividade organizasaun arte marsiais to’o iha Outubru tinan ne’e.

Hare’e ba aktu krimi ne’ebe involve mos oknum membru organizasaun arte marsiais, inklui arte rituais, Manuel Joao Baptista nudar porta-voz organizasaun arte rituais 77 ba nia membru ne’ebe komete aktus kriminal nu’udar aktu pessoal ne’ebe labele responsabiliza husi organizasaun.

Nu’udar mestre ba organizasaun arte rituais 77, Francisco Fernandes alias Siku Moko deklara katak iha 77 nunka hanorin nia ema atu halo aktus krimi, inklui naok ema nia sasan hanesan mosu iha publiku.