Ramos Horta Deklara nia Vitoria ho Xanana

DILI, www.news-viptv.com – Jose Ramos Horta iha konferensia imprensa ba nia vitoria hatoo agradese ba povu ne’ebe fo ona konfiansa ba nia hodi eleitu ba prezidenti republika maski offisalmente rezultadu sedauk anunsia hosi tribunal rekursu.

Kaer metin lia fuan Xanana Gusmao katak laiha inimigu politiku iha nasaun ne’e, ba nia mandatu Ramos Horta sei kontinua promove dialogu ho partidu politiku sira no instituisaun soberanu estadu nian seluk hodi hatur hikas ordem konstituisional ne’ebe lao ses hosi lei inan.

Ho eleitu ba prezidenti republika, Prezidenti Partidu CNRT, Kay Rala Xanana Gusmao fo hanoin nafatin ba Ramos Horta atu kumpri nia promesa no halao knar tuir konstituisaun no apela mos ba povu Timor-Leste atu kontinua kria stabilidade no dame iha rai ne’e.

Xanana Gusmao mos hateten, nia pronto atu kopera ho Ramos Horta iha nia servisu nudar xefi estadu hodi servisu hamutuk ba dezemvolvimentu rai Timor-Leste.

Ekipa kobertura VIP TV