Promove Rekonsiliasaun, SEAK-CNC Sei Realiza Festival Fronteira

Dili, www.news-viptv.com – Atu promove rekonsiliasaun, hametin amizade no relasaun bilateral entre Timor-Leste ho Indonesia, liliu komunidade sira ne’ebe hela iha area fronteira, Sekretaria Estadu Arte no Kultura (SEAK) ho Centro Nasional Chega (CNC.I.P) sei realiza Festival Fronteira.

Ho objetivu atu promove rekonsiliasaun SEAK ho CNC hasoru ona Prezidenti Republika Jose Ramos Horta hodi esplika atividade refere ne’ebe sei priense ho atividade kultura, desportu no seminariu ou Kolokiu.

“Ohin ami mai enkontru ho Sua- Excelensia Presidente da Republika aktualiza deit ekipa konjunta ba Festival Fronteira ba aktividade interkambiu kultural ba promove rekonsiliasaun,” dehan Sekretraiu Estadu Arte no Kultura, Jorge Soares Cristovão ba jornalista sira, Segunda (4/9/2023), iha Palasiu Prezidensial, Dili.

Sekretariu Estadu ne’e esplika, Festival Fronteira ne’e sei realiza iha Balibo, Munisipiu Bobonaro iha 26-28 Outubru 2023 no sei konvida grupu arte no kultura sira hosi Musipiu Bobonaro, Covalima, no RAEOA ho mos hosi munisipiu parte NTT nian ne’ebe fronteira kedan ho Timor-Leste.

Iha fatin hanesan, Direktur Executivo CNC.I.P, Hugo Fernandes iha atividade ne’e, sira mos sei halo selesaun ba joven kada munisipiu hodi reprezenta Timor-Leste iha Festival Fronteira ne’e.

“Jovem sira ne’ebe sei reprezenta kada munisipiu sira bele hasoru malu, koalia ba malu, liu husi seminariu sira ne’e. Ita hein ita nia Leader nasaun sira nian bele ba koalia ba sira, ita la koalia iha politika ida a’as liu nian mais entre ema bai-bain ho ema bai-bain hodi nune’ bele aumenta konfiansa ba malu para aban bain rua to ba Politika, sira iha desizaun ruma ita bele prepara hela situasaun sira hansesan ne’e ba sira,” dehan Hugo.