Prepara Anunsia Vitoria ba PR, Horta: Laiha ona Segunda Volta

  • Share

DILI, www.news-viptv.com – Kandidatu Prezidenti Republika, Jose Ramos Horta deklara ba nia laiha lia fuan segunda volta, tamba votos ne’ebe povu fo ba nia lori ona nia manan iha primeira volta.

Matematikamente, hosi votos ne’ebe iha, premiade nobel da paz ne’e ho hamnasa iha konferensia imprensa ne’ebe halao iha sede nasional kandidatura nian iha Hudi-Laran, Dili, ho kontenti fo parabens mos ba ekipa susesu sira ne’ebe hamutuk ona ho nia durante prosesu iha kampana no to’o eleisaun.

banner 336x280

Maski apuramentu sedauk final, dadak ne’e dadus apuramentu hosi STAE hatudu Jose Ramos Horta hetan ona votos rihun atus rua 214.906 ou 45.65 %. Entertantu Francisco Guterres Luolo hetan ona 105.088 22.32 %.

Total votantes elijivel ne’ebe STAE rejistu hamutuk iha 853.613.

Ramos Horta ne’ebe hetan apoia hosi Xanana Gusmao no Partidu CNRT ho partidu politiku balun no movimentu barak ba nia kandidatura, kontinua tau ajenda principal ba nia kandidatura maka dissolve parlamentu nasional no halo dialogu ho partidu politiku sira ne’ebe iha asentu iha parlamentu hodi koalia mos formasaun governu foun bele liu dialogu, consensus no eleisaun antisipada.

Reporter: Gantry Meilana I Cameraman: Justinho Mendonca

  • Share

Leave a Reply

Your email address will not be published. Required fields are marked *