banner 1000x250

PR Ramos-Horta Simu Karta Kredensial husi Embaixadora foun Filipina

  • Share
banner 728x90

DILI, www.nees-viptv.com – Prezidente Republika (PR), Jose Ramos-Horta, simu Kredensiál Diplomátika husi Embaixadora Estraordinária no Plenipotensiária Repúblika Filipina, Maria Anne A. Padua, Kinta (300/1/2025), iha Palásiu Prezidensiál Nicolau Lobato.

Xefi estadu hateten, Filipinas sai ona belun ida-ne’ebé metin ba Timor-Leste dezde independénsia, no mós antes. Husi misaun manutensaun pás to’o edukasaun, perísia no dedikasaun Filipina nian kontribui signifikantemente ona ba Timor-Letse nia dezenvolvimentu.

banner 1000x250

“Embaixadóra Padua nia nomeasaun, ho ninia experiénsia diplomátika ne’ebé estensiva, marka kapítulu importante ida tan iha ita-nia relasaun bilateral. Ami hein atu serbisu hamutuk ho nia hodi hametin liután ligasaun entre ita nia nasaun rua,” dehan Prezidente Ramos-Horta.

Filipina, esplika Vise Ministra ba Asuntu ASEAN, Milena Rangel, hola papel mos ba prosesu dezemvolvimentu Timor-Leste liu husi kooperasaun servisu ne’ebe halo entre nasaun rua, inklui iha dezemvolvimentu rekursu umanus.

Entretantu Embaixadora Maria Padua hateten nia pronto atu halo koordenasaun no servisu saida deit maka Timor-Leste hakarak liu husi kooperasaun ne’ebe halao ona entre nasaun rua.

Embaixadóra Maria Padua Lori nia experiénsia diplomátika liu dékada tolu ba iha ninia knaar foun. Nu’udar diplomata profisionál ne’ebé hetan pozisaun iha Kareira Embaixadora iha 2015, nia reprezenta ona interese sira Filipina nian ho di’ak iha postu xave sira iha Viena, Canberra, no Bangkok, enkuantu asumi mós pozisaun importante sira iha Departamentu Negósiu Estranjeirus iha Manila, inklui Gabinete Sekretária nian no Gabinete Asuntus ASEAN nian.

  • Share

Leave a Reply

Your email address will not be published. Required fields are marked *

error: Content is protected !!