PR Ramos-Horta ho Komisaun Organizadora Koalia Preparasaun Vizita Papa Francisco

DILI, www.news-viptv.com – Prezidente Repúblika, J. Ramos-Horta, Kinta (18/7/2024) simu Komisaun Organizadora ba visita Papa Francisco mai Timor-Leste hodi ko’alia kona-ba preparasaun ka progressu servisu sira ne’ebé durante ne’e hala’o ona iha nivel nasionál to’o munisípiu.

Tomas Cabral, Vise Koordenadór Jerál Altu Nivel Institusionál no Koordenadór Komisaun Organizadora ba Visita Papa Francisco, esplika durante enkontru, Komisaun diskute kontínua kolaborasaun entre instituisaun Estadu sira, Prezidénsia Repúblika, Governu, forsa seguransa, autoridade relijiozu sira no Nunsiatura iha Dili. Kolaborasaun hirak-ne’e importante atu garante susesu ba vizita Papa mai Timor-Leste.