PR Horta Sei Husu ONU Tau Importansia ba Mal-Nutrisaun no Seguransa Alimentar iha Simeira ODS

Dili, www.news-viptv.com  – Prezidenti Republika (PR) Jose Ramos Horta iha nia partisipasaun ba Simeira Objetivu Dezemvolvimentu Sustentavel (ODS) sei husu ba Organizasoens Nasoens Unidas (ONU) hodi tau prioridade ba asuntu mal-nutrisaun no seguransa alimentar.

Xefi estadu hato’o asuntu ne’e wainhira simu Koordenador Nasoen Unidos iha Timor-Leste, Funmi Balogun iha Palasiu Presidensial, Segunda (4/9/2023).

“Prioridades sira ne’e sei ajuda atu asilera mos Timor-Leste nia atinjimentu ba objetivu dezenvolvimentu sustentavel,” dehan Funmi Balogun ba jornalista sira hafoin hasoru malu ho xefi estadu.

Durante inkontru ne’e, esplika Funmi, nia mos husu bainhira maka Prezidenti ho delegasaun sei desloka ba hodi parte ONU nian bele apoia durante partisipa iha simeira refere.

“Ami mos esplika saida maka sei akontese durante simeira ODS nian,” dehan Funmi Balogun.

Simeira ODS sei realiza iha Setembru tinan ne’e iha Nova Iorke, Estadu Unidas Amerikanu (EUA).

Iha publikasaun pajina official Prezidente Repúblika iha facebook, xefi estadu nafatin fó hanoin katak iha área rua kritiku ne’ebé sai hanesan sentru ba agenda administrasaun nian.

Malnutrisaun no ra’es badak (stunting): Prezidente Ramos-Horta hatudu urgensia atu hasoru malnutrisaun no hahuu’uk iha Timor-Leste, ho fokus ba inan-sanuk, saneamentu, no redusaun mortalidade inan nian.

Seguransa Ai-Han: Prezidente mós ko’alia kona-ba imperative atu hadi’a pratika agrikultura no aproveita liuhosi valor cadeia atu kria oportunidade servisu ba joven Timor-Leste sira.

Finanseira Sustentavel: Iha reuniaun ne’e, lider sira delibera kona-ba possibilidade atu atrakta investor sosiál no privadu ba Timor-Leste, rekoñese katak importante tebes fonte finansieru di’ak sira atu lori dezenvolvimentu sustentavel iha rai-laran.

Prezidente José Ramos-Horta nia kompromisu ba ODS sira no nia envolvimentu ko’alia ho ONU reafirma Timor-Leste nia determinasaun atu halo pasu importante hodi atinji objetivu globál sira ne’e. Hakarak Timor-Leste partisipa iha Asembleia Jerál Nasoins Unidas no Simeira ODS.

Mundu haree ho antisipasaun, Timor-Leste nia dedikasaun atu konstrói futuru ne’ebé sustentavel no prósperuliu ba nia povu.