PR Horta Halo Viagem ba Portugal no EUA

DILI, www.news-viptv.com – Prezidente Repúblika, Jose Ramos-Horta ho delegasaun, Segunda (22/4/2024) dezloka ba Portugál no Estadu Unidos Amerikanu (EUA),

Iha viagem ba Portugal, PR Ramos-Horta sei partisipa iha selebrasaun aniversáriu tinan 50 Revolusaun Karvu ne’ebe sei selebra iha 25 Abril 2024 iha Lisboa.

Iha tempu ne’ebá, rejime Estado Novo nian loke dalan ba Portugal nia territóriu sira iha rai liur hodi hetan independénsia, inklui Timor-Leste.

Durante iha Portugal, Xefi Estadu sei hasoru malu ho Prezidente Repúblika Portuguesa, Prof. Dr. Marcelo Rebelo de Sousa, Prezidente Asembleia Nasionál, Dr. José Pedro Aguiar-Branco no Primeiru-Ministru Dr. Luís Montenegro.

Hosi Portugal, PR Ramos-Horta sei halo viajen ba New Jersey, EUA iha 29 Abril, no sei hato’o dikursu formatura iha Universidade Rutgers ba tinan ida-ne’e, iha 30 ABril, “Lisaun kona-ba Funu no Pás husi suku ida iha Sudeste Áziatiku.” Prezidente Ramos-Horta iha “Doutor Honoris Causa” husi Universidade Rutgers.

Xefe Estadu ho delegasaun sei fila husi EUA iha 1 Maiu no to’o iha Dili iha 3 Maiu 2024.