PR Foun Maka iha Kapasidade Halo Dialogu ba Lider Politiku

DILI, www.news-viptv.com – Relasiona ho hanoin Sekretariu Jeral Partidu FRETILIN, Mari Alkatiri ne’ebe husu dialogu entre lider 1974/1975, movimentu massa hat Associação dos kombatentes da Brigada Negra (ACBN), Circulo Revolusionariu Nasionalista – 1 (CRN 1), Movimentu Akadémiku Pro-Konstituisaun (MAPK) no Movimentu Nasionál Juventude Progresista (MNJP) la aseita hanoin ne’e tamba kontinua impasse politika no haterus povu.

Porta Voz ba movimentu refere, Sancho Gonçalves hateten, Mari Alkatiri tenki hatene katak liberta rai ida ne’e laos deit obra hosi 74/75, maibe involve mos elementu hotu hosi jerasaun kontinuador ho jerasaun foin sa’e sira.

“Mari haluha tiha saida mak dialogo no sa kondisoens maka sai nudar base ba dialogo. Dialogo jeralmente bainhira to’o ona impasse ruma nem ida manan ka lakon, maka parte rua ka barak buka halo diskusaun ka negosiasaun atu bele hetan akordu ida,  se nune’e sa akordu maka Mari hakarak? Ita nia situasaun aktual ne’ebe mai husi metodu viabilijasaun ba governu minoritariu, hafoin koa dalan hodi impede presidente republika implementa rekomendasaun sira husi mesa redonda 10 Fevereiru 2020, tama ona iha fase ba eleisaun prezidensial, nusa  Mari la prepara an ba eleisaun, mai soe fali dialogo entre jerasaun 74/75,” dehan Sancho, Tersa (8/2/2022) ba jornalista sira iha konferensia imprensa ne’ebe halao iha Kuartel Central ACBN, Balide, Dili.

Tamba ne’e, movimentu refere husu ba Maun Boot Kay Rala Xanana Gusmão no Kandidatu Prezidenti Republika Jose Ramos horta ho apoiu Partidu CNRT, Partidu PST no movimentus sivikus hotu atu labele aseita tentasaun ne’e.

“La iha dalan ba dialogo antes de eleisaun presedensial nia resultadu. Lalika habeik tan povu ho dialogo bainhira ita adopta demokrasia pluralismu politiku husik povu ba vota ho nia konsiensia entre jerasaun 74/75 lider ida nebe maka povu hadomi no sei fiar, tamba la kontribui ba hamosu impasse politiku no halo povo terus,” dehan Sancho.

Sancho esklarese, atu koalia dialogu, tenki ho figura prezidenti foun, tamba ne’e prezidenti eleitu maka iha kapasidade atu promove dialogo.

“Povu fo fiar ba nia. Dialogo nebe prezidenti eleitu sei foti maka sei presisamente lori partes hotu ba aseita ka hetan akordu ba dissolusaun parlamentu nasional konvoka eleisoen anteiseipadas nudar dalan ba reposisaun ordem demokratijka konstituisional ka aseita rekomfigurasaun mesa parlamentu liu husi hamosu maioria parlamentar foun. Ne’e mak sei sai objetvu b dioalogu,” nia dehan.

Dialogu neebe sei halao, Sancho esplika tan,  sei orientadu mos ba atu hamosu konsensus kona ba modelu desemvolvementu ekonomiku no social hare leis nebe la adekuadu reve tiha bainhira Partidu CNRT no Maun Boot Kay Rala Xanana Gusmão asumi hikas poder nebe ema seluk foti sem tuir regras demokratikas .

“husu ba DR. Mari atu lalika kria tan komfusaun iha vida demokrasia estadu nian. Nuudar movimentu de konsensia nasional, ami apela ba povu tomak atu vota ba kandidatu ne’ebe defene repjisaun orde democratico konstituisional no iha kapasidade atu resolve estadutomak nia problema. Ba ida ne’e, vota ba DR. Ramos horta mak sei iha kapasiadade atu promove dialogu ne’ebe mak DR. Mari hakarak. Maibe dialogu ho objetivu atu implementa rezolusaun partidu CNRT konaba disolusaun parlamentu nasional no eleisoes antsipadas,” nia hateten.