banner 1000x250

Posse ba Xefi Suku Sei Realiza iha 28 Novembru

  • Share
Ministru Administrasaun Estatal, Tomas Cabral wainhira hasoru PR Horta hodi atualiza anotasaun komemorasaun loron proklamasaun 28 Novembru. Foto: Media PR
banner 728x90

DILI, www.news-viptv.com – Ministru Administrasaun Estatál, Tomás do Rosário Cabral informa seremonia posse ba xefi suku foun sira sei realiza iha komemorasaun 28 Novembru hafoin seremonia isar Bandeira.

Ministru Tomas hato’o asuntu ne’e ba jornalista sira hafoin hasoru malu ho Prezidenti Republika (PR) Jose Ramos-Horta hodi atualiza anotasaun atividade

banner 1000x250

Komemorasaun loron Proklamasaun Independénsia 28 Novembru iha Gabiente Palásiu Prezidente Aitarak-Laran.

“Ohin Ami mai hasoru Prezidente Repúblika, atu aupdate ba Prezidente sobre Komemorasaun 28 Novembru no mós Tomada Posse ba Xefe Suku sira depois eleisaun ne’e remata. Sabádu agora ita hotu-hotu ba hili Xefe Aldeia, Xefe Suku ho Konsellu Suku sira, no seremónia ofisial 28 Novembru tanba la’o hamutuk kedan ho Eleisaun Xefe Suku, signifika iha Postu Administrativu hothotu sei iha seremónia hasa’e Bandeira, depois hotu sei kontinua kedas ho Tomada Posse ba Membru Konsellu Suku sira inklui Munisípiu Dili,” dehan Tomas Cabral, Kinta (26/10/2023).

Membru governu ne’e esplika, Komemorasaun loron Proklamasaun Independênsia ba dala-48, sei prepara husi Komisaun Organizadora ne’ebe mak prezide husi Ministru Administrasaun Estatal nu’udar Prezidente Komisaun Organizadora ba 28 Novembru 2023, bazeia ba despaixu husi Primeiru Ministru, Kay Rala Xanana Gusmão.

Governu Sentral sei Komemora 28 Novembru iha Pallásiu Prezidente, Governu Munisipal ho Postu Administrativu sira sei Komemora iha sira-nia fatin, depois kontinua kedan Tomada Posse ba Xefe Suku sira.

Orsamentu ne’ebe governu aloka ba komemorasaun 28 Novembru hamutuk US$ 467,582 no tema ba komemorasaun ne’e maka “Celebrar a história e Construir o Futuro”.

  • Share

Leave a Reply

Your email address will not be published. Required fields are marked *

error: Content is protected !!