PNTL-FFDTL Sei la Tolera Aktus Krimi iha Vizita Papa Francisco

DILI, www.news-viptv.com –  Forsa konjunta Polisia Nasional Timor-Leste no Forsas Armada, F-FDTL sei la tolera ba ema ou grupu ne’ebe halo aktu kirimi durante selebrasaun loron referendum no vizita amu papa Francisco.

Tamba ne’e, Segundu Komandante PNTL, Komisariu Pedro Belo apela ba membru forsa tarefas sira atu foti asaun seriu wainhira hasoru pessoal ou grupu sira ne’ebe halo krimi.

Hodi asegura situasaun hakmatek, forsa tarefas sei halo patrullamentu tama    sai bairo tantu ho kareta no lao ain, no halo auto-stop iha teritoriu Timor-Leste hahu Agostu to’o amu papa vizita Timor-Leste.

Ho tarefas servisu ne’ebe fahe ona, Komandante Unidade Polícia Fronteira (UPF), Superintendende Euclides Belo hateten, UPF prontu ona hodi lori susesu ba eventu importante no istoriku ne’e, inklui sei kordena didiak ho parte seguransa fronteira Indonesia wainhira sidadaun Indonesia sira hakarak tama Timor-Leste hodi assisti mos vizita amu Papa Francisco ne’e.