PN Husu Governu Hare Hikas Rai Estadu ne’ebe fo Aluga Tutan

DILI, www.news-viptv.com – Parlamentu Nasional (PN) husu ba Governu hare hikas rai estadu sira ne’ebe individu sira arenda maibe fo aluga tutan ba ema seluk, liu husi osan ne’ebe arenda ba estadu.

Assuntu ne’e, PN hato’o ba Sekretariu Estadu Teras Propiedades, Jaime Xavier, wainhira marka prezensa ba iha Komisaun A hodi relata preokupasaun povu nian relasiona ho problema rai.

”Oinsa mak estadu hare’e ba situasaun sira ne’e, buat ne’ebe propriedade estadu lori hatama ba kofre estadu, laos pesoal ou komunidade ida hodi aproveita kopre estadu hodi hetan fali fundus bo’ot, hodi buat ne’ebe mak estadu nian, estadu nian duni, hateten Prezidenti Komisaun A, Patrisinio Alves ba Jornalista sira Kuarta (05/06/24), iha Uma Fukun PN, Dili.

Ho problema rai ne’ebe akontese entre komunidade sira, membru PN ne’e husu mos governu atu rezolve problema rai nian tuir lei ne’ebe iha hodi prevene iha intervensuan no atuasaun.