PM Xanana Atualiza Servisu Kooperasaun TL ho Nasaun Amizade

DILI, www.news-viptv.com – Primeiru Ministru Kay Rala Xanana Gusmão iha inkontru regular ho Prezidenti Republika Jose Ramos Horta atualiza servisu governu nian kona ba prezensa embaixador nasaun sira ne’ebe halo kooperasaun bilateral ho Timor-Leste.

Iha inkontru ne’ebe realiza iha Palasiu Prezidensial, Kinta (22/2/2024), xefi governu ne’e informa ba xefi estadu katak nasaun sira ne’e iha konfiansa ba situasaun Timor-Leste iha lideransa governu foun nian no hakarak kontribui ba area oioin.

Alende ne’e hosi observasaun nasaun hirak ne’ebe fo apoia ba demokrasia hare katak Timor-Leste iha demokrasia ne’ebe moris diak maski foun nu’udar nasaun ne’ebe aplika sistema demokrasia iha nia konstrusaun estadu.

PM Xanana iha nia politika externa, Fortalese relasoens de amizade, kooperasaun no solidariedade ho Estadus hotu-hotu, ho baze iha prinsípius konstitusionais kona-ba soberania no independénsia, tuir prinsípiu de ‘la iha aliadus, nem inimigus, hotu-hotu mesak amigus de’it’ tuir lema husi IX Governu Konstitusionál.