banner 1000x250

PM Xanana Atualiza Servisu Governu ba Xefi Estadu

  • Share
PM Xanana wainhira atualiza servisu governu ba PR Ramos-Horta. Foto: media GPM
banner 728x90

Dili, www.news-viptv.com – Primeiru-Ministru, Kay Rala Xanana Gusmão iha nia inkontru regular ho xefi estadu atualiza nafatin servisu governu iha nia lideransa.

Atualizasaun servisu governu nian ne’e, PM Xanana hato’o ba Prezidenti Republika (PR) Jose Ramos-Horta iha inkontru semanál, Kinta (26/10/2023), iha Palasiu Prezidensial, Dili.

PR Ramos-Horta wainhira simu PM Xanana iha Palasiu Prezidensial, Kinta (26/10/2023). Foto: Media GPM

Iha atualizasaun ne’e, atualiza progresu servisu governu hahú hala’o reuniaun Komité Revizaun Orsamentu (KRO) ba Orsamentu Jerál Estadu (OJE) tinan 2024.

Komité Revizaun Polítiku mak iha kompeténsia hodi verifika alokasaun estratéjika kona-ba rekursu submisaun orsamentál nian, ho objetivu atu atinje kompromisu no objetivu sira ne’ebé hatuur iha dokumentu estratéjiku no analiza kapasidade atu ezekuta planu ba tinan finanseiru 2024 nian.

Reuniaun Komité Revizaun Orsamentál nian hala’o ona hosi 24 Outubru to’o 9 Novembru, iha Auditóriu Ministériu Finansas nian.

Alende ida ne’e, PR Horta atualiza mós ba PM Xanana kona-ba partisipasaun Timor-Leste iha Asembleia Jerál Nasoes Unidas (ONU) ba dala- 78 hodi aprezenta multilateralizmu, progresu Timor-Leste nian.

“Ita agradese progresu barak Timor-Leste nian hato’o iha Asembleia Jerál Nasoes Unidas  ba dala 78, iha kontaktu barak, kapas teb-tebes, ema hotu- hotu kontente hodi hatene situasaun iha rai ne’e,”dehan PM Xanana.

PR Ramos-Horta wainhira hasoru malu ho liurai Reinu Arabia Saudita. Foto: Media PR

Iha ekontru ne’e, PR Horta informa mós ba PM Xanana kona-ba partisipasaun Timor-Leste iha simeira ASEAN-GCC ba dala-IV iha sidade Riyadh, Reinu Arabia Saudita.

Durante vizita iha Estadu Federál Uniaun Emiradu Arábe (UEA) PR Horta hasoru malu ho Omólogu UEA, Liurai Sheik Mohamed Bin Zayet Al Nahyan no entidade boot sira no setór privadu sira hodi hametin kooperasaun bilaterál rai rua ba futuru.

Xefe Governu Xanana agradese ho enkontru ne’e sei fó oportunidade di’ak ba Timor-Leste hodi haluan ninia lasu kooperasaun iha setór importante sira ne’ebé sei fó benefisiu ba ekonomia nasaun.

  • Share

Leave a Reply

Your email address will not be published. Required fields are marked *

error: Content is protected !!