People to Peoplo Diplomacy, PR Horta Sei Halo Interkambiu Estudante TL-Laos

DILI, www.news-viptv.com – Atu haforte relasaun povo ho povu entre Timor-Leste ho Laos, Prezidente Repúblika (PR) Jose Ramos Horta sei halo interkambiu entre estudante universidade rai rua ne’e ho naran programa people to people Diplomacy.

Iha nia palestra ba estudante Universidade Nasionál Laos nian, Iha Vientiane, xefi estadu promesa sei realiza programa interkambiu entre joven estudante Laos ho Timor-Leste importante tebes hodi fahe matenek ba malu.

“Sira iha ne’e rai ki’ik, maibé ho sira nia língua ne’e dezenvolvidu tebes, no hau hakarak hare joven sira iha ne’e bele ba vizita Timor-Leste no Nune’e mos Joven sira husi Timor-Leste mai vizita iha ne’e. Governu rua ne’e bele promove interkambiu, ne’e mak ita bolu People to People Diplomacy, ne’e mak ita bolu amizade, amizade labele deit líder bo’ot sira hakuak malu, maibe tenke sosiedade mos koñese malu,” dehan PR Horta.

Xefi Estadu ho delegasaun halo vizita servisu ba Laos hodi lobby Laos ne’ebe dadauk ne’e prezide prezidensia ASEAN nian atu bele offisializa Timor-Leste nia adezasaun ba ASEAN iha 2025.

Timor-Leste hatama nia dokumentu aplikasaun ba ASEAN desde tina 2011.