banner 1000x250

PD Sei Harii Governu Eletroniku no Estadu Hosi Baze

  • Share
banner 728x90

LIQUISA, www.news-viptv.com – Atendementu publiku hosi instituisaun governu nian ne´ebe hamosu insatisfas ba povo sai prioridade mos ba Partidu Demokratiku katak wainhira ukun iha governu sei muda sistema atendementu publiku sira ba iha e-governu.

Ho mudança globalizasaun ba teknolojia, Prezidenti Partidu Demokratiku, Mariano Assanami Sabino iha nia komisiu politiku partidu ho numeru kuatru ne´e promessa sei hamosu governu moderna ba nasaun ne´e hodi fo atendementu publiku ne´ebe fasil no lais ba nia povo.

Atu Suku no Aldeia sai aliserse forte nasaun nian hodi dudu ekonomia hosi baze, Partidu Demokratiku mos sei harii nasaun hosi baze ho politika dezentralizasaun governasaun hahu hosi kraik.

Konsidera mos govenru nudar instrumentu hodi serve povo, Partidu Demokratiku sei nakloke ho elementu nasaun hotu, inklui opozisaun sira ne´ebe iha hanoin diak hodi konstrui mos estadu ba dezemvolvimentu.

Iha eleisaun tinan ne´e, sekretariu jeral Partidu Demokratiku Antonio Kalohan apela ba eleitores Liquisa sira tempu ona atu fo fiar ba Partidu Demokratiku hodi lidera governasaun foun mai atu lori mudança no moris diak ba povo.

  • Share

Leave a Reply

Your email address will not be published. Required fields are marked *

error: Content is protected !!