PD sei Harii Estadu ne´ebe Serve Povu, laos Serve Partidu ou Grupu

MALIANA, www.news-viptv.com – Nudar jerasaun kontinuador, Partido Democratiku iha nia komisiu politiku promete sei hatur hikas estadu de deretu demokratiku ne´ebe partidu governasaun sira hases ona.

Tamba ne´e, Prezidenti Partidu Democratiku Mariano Assanami Sabino husu ba eleitores Munisipiu Bobonaro atu hili partidu ho numeru 4 ne´e hodi restaura fali funsaun lolos estadu nian katak ukun estadu atu servi povo, laos servi grupu ou partidu nia interesse.

Assanami mos heteten, wainhira Partidu Demokratiku hetan konfiansa ukun governu, líder sira tenki sai duni soldadu prontu estadu nian, no labele uza governu hodi hetan priveleziu ba na rasik.

Partidu Demokratiku mos fo hanoin ba nia lideransa sira katak, labele sura kolen saída maka halo ona ba estadu durante nia ukun.

Antes ne´e, iha Kapela Ritabou, Sekretariu Jeral Partidu Demokratku Antonio Kalohan ho estrutura PD no equipa susesu sira halo misa uluk, hodi husu bensaun Maromak nian atu atividade kampana sira bele lao ho susesu.