PD sei fo Kreditu ba Timoroan ne´ebe Atu Servisu iha Rai Liur

Manatuto, www.news-viptv.com – Partido Democratico (PD) sei fo kreditu ba Timoroan sira ne´ebe hakarak servisu ba europeia hodi fasilita sira nia viagem no akomodasaun durante fulan 6.

Prezidenti Partidu Democratico, Mariano Assanami Sabino fo sai programa PD nian ne´e wainhira ensera sira nia kampana ikus iha komisiu politiku ne´ebe halo iha Munisipiu Manatuto.

Ema numeru ida iha PD nee mos promete sei moderniza governasaun ho sistema governu elektroniku hodi hafasil atendementu publiku, inklui oinsa sei implementa internet gratuita iha publiku.

Ema numeru ida ne´e hateten, PD sei hamutuk ho Prezidenti Republika Jose Ramos Horta hodi hametin estadu deretu demokratiku hodi restaura hikas orgaun estadu sira ne´ebe estraga hosi lideransa sesante, inklui sei fo fila hikas funsaun uma fukun parlamentu nasional nudar uma ba aspirasaun no dezidi ba futuru povu nian.

PD iha nia programa governasaun sei fo prioridade hotu ba setor hot-hotu liliu oinsa mos defende politika dada kadoras mina Timor nian mai Timor-Leste.

Kria Kampu traballu, hadia setor edukasaun, saude, agrikultura no infraestrutura baziku ba povu nia nesesidade.

Antes ne´e, PD mos hatoo programa hanesan iha Aileu, Same, Suai, Ermera no Atauro.