Partidu Frenti-Mudansa Suspende Egidio hosi Prezidenti Interinu, Egidio: Dezisaun Ne’e Kontra Estatutu

DILI, www.news-viptv.com – Partidu FRENTI-Mudansa lamenta ho Prezensa Egidio de Jesus ne’ebe lori kargu nudar Prezidenti Interinu Paridu nian hodi fo apoia ba kandidatu Prezidenti Republika, Francisco Guterres Lu-Olo.

Porta-Voz Partidu Frenti-Mudanca Daniel Pereira liu hosi konefrensia imprensa ne’ebe realia Kinta ohin dader, esplika katak Egidio de Jesus laos ona prezidenti interinu partidu tamba hetan ona suspensaun hodi partidu tamba komete aktu irregularidade iha partidu laran.

Iha konferensia imprensa ne’e mos deklara katak Partidu Frenti-Mudanca iha eleisaun presidensial volta daruak kontinua fo nia apoia no votos ba kandidatu prezidenti republika Jose Ramos Horta

Hatan ba deklarasaun ne’e, Prezidenti Interinu Partidu Frenti Mudanca, Egidio de Jesus hateten ne’e lalos no to’o ohin loron nia sei asumi kargu refere no legal tuir estatutu partidu nian. Tamba ne’e reuniaun ne’ebe halo iha 18-19 Dezembru tinan kotuk, wainhira lori ba tribunal rekursu mos labele sertifika nia rezultadu tamba kontra estatutu partidu.

Kona ba osan partidu ne’ebe akuza ba nia, egidio esplika katak osan sira ne’e maka uza ba halo programa partidu nian ne’ebe iha hotu relatoriu.

Ho problema duo lideransa iha partidu Frenti mudansa nia laran, Egidio kontinua lidera partidu ne’e nudar prezidenti interinu hodi hein to’o kongressu nasional partidu ne’ebe nia rasik mak sei realiza no konvoka tuir estatutu partidu nian.

Reporter: Marcia da Cruz  I  Cameraman: Leonito Fatima