Palestra Prezidensial Datoluk 2024, Diversifikasaun Ekonomia iha Sustentabilidade Desenvolvimentu

DILI, www.news-viptv.com  – Prezidente Repúblika (PR) Jose Ramos-Horta realiza Palestra Presidensial 2024 ba da-toluk ho tema ” Diversifikasaun ekonomia ba Dezenvolvimentu Sustentável” iha  Salaun Nobre Ministeriu Negosiu Estranjeiru no Kooperasaun, Tersa (18/6/2024).

Objetivu palestra prezidensial ne’e atu promove diskursu públiku kona-ba asuntu ekonómiku kritikal ne’ebé Timor-Leste infrenta no esplora estratéjia finansiamentu atu estimula diversifikasaun ekonómika ba dezenvolvimentu sustentável. Audensia alvu ne’e inklui funsionáriu governu sira, akadémiku, lider emprezariál, banku, parseiru dezenvolvimentu, Korpu Diplomátiku, Embaixadór Timor-oan sira, organizasaun internasionál, no ONG sira.

Governador banku Sentral Timor-Leste, helder Lopes hateten, palestra prezidensial ne’e importante los ba governu ho parseira desemvolvimentu sira hodi hatene situasaun atual Timor-Leste no bele servisu hamutuk iha dezemvolvimentu Timor-Leste nian ekonomia.