Orgullu ho Prestasaun Delio-Deniel, PM Xanana: Governu Sei Apoia Timoroan Talentu iha Desportu

DILI, www.news-viptv.com    – Primeiru-Ministru (PM), Kay Rala Xanana Gusmão promete sei apoia Timoroan sira ne’ebe iha prestasaun desportu nian, inklui ba boxista Delio Mouzinho no Deniel Belo.

Primeiru Ministru Xanana hato’o promesa ne’e wainhira sira boxista nain rua ne’e hafoin simu dereta iha Palasiu do Governo, Sexta (12/2/2025).

Boxista Délio Mouzinho agradese bá Maromak, erói no Timoroan sira ne’ebé apoia tantu materiál no morál.

Alende hasoru PM Xanana, Boxista nain 2 ne’e mos hasoru Ministru Juventude, Desportu, Arte no Kultura, Nelyo Isaac Sarmento hodi hato’o sira nia agradesementu ba apoia orsamentu ne’ebe MJDAK fo sira.

Iha Marsu, Delio sei ba Canada hodi bá partisipa kompetisaun iha Cánada no Jullu iha Jakarta-Indonézia.

Antes ne’e Primeiru-Ministru, Kay Rala Xanana Gusmão oferese osan privadu bá boxista na’in-rua hamutuk dolares amerikanu rihun tolu atus hat hodi bá partisipa iha kompetisaun Boxe ne’ebé realiza iha Bali-Indonézia.

Nune’e mos MJDAK apoia orsamentu hanesan ho montante hanesan dolares amerikanu rihun tolu atus hat.

Iha kompetisaun HSS Bali, Délio Mouzinho halakon boxista hosi nasaun Uzbekistaun Alisher Ismailov no Boxista Daniel Asis Belo halakon boxista Indonézia, Sakti Manulang. Ne’ebe vitoria hirak ne’e boxista nain rua hetan ho KO.