banner 1000x250

OR Pasa iha Final Global, PM Xanana Apresia no Husu PN Fiskaliza Governu

  • Share
PM Xanana fo apresiasaun ba deputadu PN sira hafoin votasaun final global ba OR 2023. Foto: Media GPM
banner 728x90

DILI, www.news-viptv.com – Primeiru Ministru (PM) Xanana Gusmão apresia ba Parlamentu Nasional (PN) ne’ebe aprova ona Orsamentu Retifikativu (OR) ho montantu biliaun $ 1.77 iha votasaun final global no husu ba PN atu fiskaliza governu nia servisu iha ezekusaun OR ne’e.

“Agradese tebes hodi Nono Governu nia naran, hau apelu bo’ot teb-tebes ba ida ne’e, fiskaliza ami, imi nia dever laos det opozisaun, imi hotu tenki fiskaliza para buat ne’e bele halao ho dial. Halo sala kritika, hahu hosi ita bo’ot sira ne’e, ida ne’e duni maka ita bele haforsa no habo’ot ita nia demokrasia atu hadia ita nia rain,” hateten PM Xanana.

banner 1000x250

Orsamentu Retifikativu 2023 ne’e, Parlamentu Nasionál aprova ho votu afavór 41, kontra 0, no abstensaun 23.
Proposta Lei ne’e inklui alterasaun dahuluk ba Lei n. 15/2022, loron 21 fulan-dezembru, kona-ba Orsamentu Jerál Estadu ba tinan 2023 no ba Lei n. 2/2022, loron 10 fulan-fevereiru, kona-ba Enkuadramentu Orsamentu Jerál Estadu no jestaun finanseira públika, no alterasaun daruak ba Lei n. 8/2008, loron 30 fulan-juñu, kona-ba Lei Tributária.
Orsamentu ne’ebé aprova ona iha despeza ho valór dolar amerikanu $ 439.060.944 ba asuntus ekonómikus, dolar amerikanu $24.965.254 ba abitasaun no infraestruturas koletivas, dolar amerikanu $ 94.411.189 ba saúde, dólar amerikanu $136.974.446 ba edukasaun no dólar amerikanu $ 253.389.284.
Hafoin aprovasaun final global, PN liu hosi Komisaun C sei prepara iha semana ida hodi lori ba Prezidenti Republiak hodi promulga OR ne’e.
  • Share

Leave a Reply

Your email address will not be published. Required fields are marked *

error: Content is protected !!