ONU: Xanana Lider Transformador no Internasional

DILI, www.news-viptv.com  – Sekretáriu Jerál ONU, Antonio Guterres rekoñese Xanana Gusmão nu’udár líder transformadór ne’ebe transforma Timor-Leste sai hanesan país independente, país demokrátiku, país respeitadór direitus umanus no país ne’ebé iha influénsia internasionalmente.

Iha nia hasoru malu ho Primeiru-Ministru Xanana, ONU sei hamutuk nafatin ho Timor-Leste hodi manan dezemvolvimentu nu’udar nasaun independente, hafoin uluk hamutuk hodi manan independensia liu husi konsulta popular iha 1999.

Nu’udar nasaun kiik, Sekretraiu Jeral ONU ne’e hateten, Timor-Leste iha kapasidade espertu no rekonesidu internasionalmente ne’ebe persiza tebes atu defende.

Nune’e mos Primeiru Ministru Xanana, agradese ba papel António Guterres nu’udár Primeiru-Ministru Portugál nian mak dudu partisipasaun Portugál iha negosiasaun ONU hodi konsege hamosu akordu 05 maiu no simu Indonézia atu halo referendu iha Timor-Leste.