OJE 2025, Governu – Bankada Koligasaun Parlamentar Halo Inkontru Konsolidasaun

DILI, www.news-viptv.com – hodi prepara an tama ba debate Orsamentu Jeral Estadu tinan fiscal 2025, Nono Governo Konstitusional halo konsolidasaun ho bankada koligasaun parlamentar CNRT ho PD, Segunda (4/11/2024), iha Sentru Konvensoens Dili.

Sekretariu Jeral Partido Demokratiku, Antonio Kalohan ba jornalista sira hateten katak nu’udar partidu koligasaun ne’ebe apoia ba Nono Governu Konstitusional, PD husu atu governu mos tenki tau orsamentu ne’ebe tuir duni nesesidade povu nian.

Konsidera OJE 2025 nu’udar orsamentu programadu, Cedelizia dos Santos nu’udar Xefo Komisaun C Parlamentu Nasional garante Parlamentu ne’e la sobu orsamentu governu nian ne’ebe programadu ona.