Norte Territoriu Prontu Sai Parseiru Forte ba Protesaun Sivil Timor-Leste

DILI, www.news-viptv.com – Governu Timor-Leste ho Governu Norte teritoriu iha komitmentu bo´ot hodi halo koperasaun iha area protesaun sivil nian.

Ho komitmentu ne´e, Tersa ohin governu rua hahu halo diskusaun inunsiu hodi hare servisu hamutuk iha jestaun emergencia nian.

Entertantu Governu Norte Teritoriu ne´ebe lidera hosi Komisariu Polisia Jaime Chalker nu údar mos komisariu ba Bombeiros no Servisu Emerjensia nian hateten sira nia parte prontu sai parseiru forte Timor-Leste nian iha area protesaun sivil.

Inkontru bilateral ne´e mos hetan prezensa hosi Vise Ministru Interior, Antonio Armindo no mos lideransa hosi Timor-Leste Police Development Programme (TLPDP)

Governu Australia iha nia programa hosi Australian Aid Program ba Timor-Leste foka liu iha fornese assesoria teknika hodi dezemvolve kapasidade ba jestaun dezastre nasional no haforte rezilensia komunidade hosi impaktu dezastre nian.

Desde tinan 2022 too 2027, Australia supporta osan miliaun 8 dolares australia. Osan ida ne´e la sura ho miliaun 7.5 dolares australia ne´ebe fo iha April 2021 wainhira Timor-Leste hasoru siklonu seroja ne´ebe rezulta inundasaun boot iha Kapital Dili.

Governu Australia mos apoia kapasita ba F-FDTL no PNTL hodi responde humanitaria ho dezastre, inklui programa foun balun ne´ebe dezena ona supporta Timor-Leste iha kapasitasaun rezilensia ba dezastre iha futuru.