Myanmar Hakarak Kooperasaun iha Area Saude no Edukasaun ho Timor-Leste

DILI, www.news-viptv.com – Prezidente Repúblika, Jose Ramos-Horta, Tersa (18/6/2024) simu Ministra Negósiu Estranjeiru ba Governu Unidade Nasionál pro-demokrasia Myanmar, Daw Zin Mar Aung, iha Palásiu Prezidensiál Nicolau Lobato.

Objetivu vizita ne’e maka atu hametin ligasaun entre nasaun rua ne’e, inklui oinsa halo kooperasaun iha area saude no edukasaun ho Timor-Leste.

Daw Aung mos informa katak situasaun dadaun ne’e iha Myanmar hakmatek, ho Governu Unidade Nasionál nia servisu laos de’it kombate militár hamutuk maibé mós servisu iha konstrusaun estadu no reforma sistemátika ba Myanmar nia futuru.

Timor-Leste nu’udar nasaun ida-ne’ebé rekoñese Governu Unidade Nasionál Myanmar nian nu’udar lejítimu ba junta militár tinan 2021 nia laran.

Xefi estadu nu’udar mos Laureadu Nobel ba Pás, halo advokasia barak ba demokrasia no direitus umanus iha Myanmar. Sorumutuk ne’e subliña Timor-Leste nia apoiu kontinua ba movimentu pro-demokrasia Myanmar hasoru junta militár.