banner 728x250

Mouris: Timor-Leste Lakon Tan nia As’wain Ida

  • Share

DILI, www.news-viptv.com – Gregorio “Mouris” Saldanha konsidera Max Stahl nudar as’wain ida ba Timor-Leste.

Ba VIPTV Mouris hatete, Timor-Leste lakon tan duni nia as’wain ida naran Max Stahl iha loron importante ba Timor-Leste nia istória, tinan 30 as’wain Sebastiao Gomes nia mate. 

banner 336x280

“Max Stahl sai as’wain tamba nia fo’o kontribuisaun bot ba povu Timor Leste nia luta ba Ukun Rasik ‘An ! Manifestasaun 12 Novembro 1991 representa povu Timor Leste nia aspirasaun hakarak Ukun Rasik ‘An. No Massacre Santa Cruz hatudu momós hahalok at nebé militar Indonesia sira halo durante okupasaun ilegal hasoru povu Timor Leste. Tamba ne’e ita agradese ba Max Stahl tamba nia berani no matenek hodi doko no fanu Mundu Internasional nia toba dukur ba problema Timor Leste,” dehan Mouris, Kinta (28/10/2021).

Ohin Timor Leste independente ona, no Max Stahl hanesan mos Timor Leste nia as’wain iha istória funu nian. “Hakruk no obrigadu barak As’wain Max Christopher Stahl”

Iha Masakre Santa Cruz, Mouris nu’udar responsavel ba movimentu juventude ida ne’ebe halo manifestasaun iha Rate Santa Cruz wainhira selebra seremonia kari aifunan ba matebian Saudozu Sebastiao Gomes ne’ebe hetan tiru mate iha area besik Igreja Motael iha 28 Outubru 1991.

Manifestasaun ne’e ikus joventude Timoroan atus ba atus maka mate no balun lakon to’o ohin loron la hatene nian rate.

Writer: MEILANA, Evangelisto Santos Editor: DOS SANTOS, Agida
  • Share

Leave a Reply

Your email address will not be published. Required fields are marked *