banner 1000x250

Moris Mukit, Portugal Lokaliza ona Timoroan 873 iha Instituisaun Akollamentu

  • Share
Sidadaun Timorense sira ne´ebe moris mukit toba deit iha jadrim sira iha Lisboa, Portugal hodi buka servisu. Foto: José Fernandes/Expresso
banner 728x90

LISBOA, www.news-viptv.com – Presidenti Portugal, Marcelo rebelo de Sousa informa, Governu Portugal lokaliza ona Timor oan na’in 873 ne’ebé moris mukit los no dadaun ne’e sira hela iha instituisaun akollamentu, autarkia lokál no instituisaun soliedaridade sosial.

 Iha komunikadu imprensa ne´ebe redasaun simu relasiona ho vizita estadu Presidenti Republik (PR), Jose Ramos-Horta ba iha Portugal, esklarese, Xefe Estadu na’in rua promete atu kria kondisaun bá Timor oan sira ne’ebé foin to’o iha Portugál no kombate ilegalidade, estrutura ilísita, explorasaun, tráfiku, maun-de-obra. Prosesu oin-oin mak tama ona iha Ministériu Públiku no mós iha ona inspeksaun laborál iha empreza sira, kontratasaun no kondisaun servisu no saláriu.

banner 336x280
Presidente Portugal, Marcelo rebelo de Sousa. Foto: Media PR

“Ita iha medida konjunta, autoridade husi nasaun rua, dezde fenómenu ne’e aumenta husi Agostu, Setembru. Iha atuasaun iha nível oin-oin. Ita iha akordu, no buat ne’ebé intolerável mak saida mak akontese no saida mak atu mai, iha Lei. Nune’e tenke fiskaliza, objetu intervensaun, la’os de’it administrativa maibé foti justisa,” dehan Marcelo Rebelo.

Entertantu, PR José Ramos-Horta afirma, nasaun determinadu hodi identifika no kastigu grupu ne’ebé mak bosok joven sira hodi ba servisu iha Portugál no nasaun seluk.

“Fenómenu ida ne’e komún liu iha mundu, liu-liu iha nasaun sira ne’ebé iha vias ba dezenvolvimentu, dékada barak ona, Timor-Leste hanesan estadu livre no demokrátiku, la iha problema ho ema tama-sai ba Timoroan no ema seluk. Fasil liu ba ema atu faan hanoin iluzaun hodi servisu iha Portugál, Alemaña, Canadá ne’ebé mak iha moris di’ak,” hateten PR Ramos-Horta.

PR Jose Ramos-Horta ho Presidenti Portugal, Marcelo Rebelo de Sousa wainhira koalia ba media sira hafoin halo inkontru bilateral. Foto: Media PR

Ramos-Horta mós destaka joven sira ne’ebé serbisu iha Korea do súl no Austrália ne’ebé hetan Saláriu di’ak.

“Ita iha programa ba joven sira atu ba Koreia do Súl ho joven rihun rua resin, vantajen ida sei kontinua, ida ne’e hanesan prosesu aprendisajen kona-ba ba profiissaun foun, habitu no disiplina, sira ne’e mak embaixador boa vontade. Hanesan mós ba Austrália iha programa sazionál ne’ebé hahú tiha ona tinan lima, tinan neen, ne’e programa modestu liu, Austrália la iha esperiénsia ba situasaun nune’e, ba Timor oan sira, no programa ida ne’e mós la’ós fasil, agora la’o di’ak ona ho mekanizmu estadu. Mai iha Portugál ne’e situasaun oin seluk, tanba kumpri prosesu burokrátiku husi Timor no nasaun ne’ebé simu joven sira,” dehan xefi estadu.

Tuir Xefe Estadu, obrigasaun husi Timor-Leste mak identifika no kastigu tuir lei, grupu ne’ebé bosok Timor oan sira, kobra joven sira too dólar rihun tolu to’o rihun lima.

Antes hala’o enkontru bilateral entre xefe estadu rua, PR Ramos Horta akompana hosi ekipa hala’o uluk vizita presta omenajen no tau aifuna ba Tumblo Camões aumezmu tempu asina mos livru de onra iha Praça do Império Belem-Portugal.

  • Share

Leave a Reply

Your email address will not be published. Required fields are marked *

error: Content is protected !!