MNE Estadu Membru ASEAN Konkorda Aselera Adesaun Timor-Leste

PHNOM PENH, www.news-viptv.com – Ministru Negosiu Estranjeiru (MNE) estadu membro ASEAN sira iha sira nia inkontru AMM (ASEAN Foreign Minister´s Meeting) ba dala 55, konkorda aselera pedidu adezaun Timor-Leste nian ba ASEAN.

Liu hosi komunikadu konjunta, MNE Estadu Membru ASEAN sira kontenti ba susesu realizasaun misaun Esploratoriu (Fact-Finding Mission: FFM) komunidade ASEAN ba Pilar Sosiu-Kultural  (ASCC: ASEAN Socio-Cultural Community) no ba Pilar Ekonomia (AEC: ASEAN Economic Comunity) ne´ebe vizita Timor-Leste iha 6-8 Jullu 2022 no 19-21 Jullu 2022 ho partisipasaun hosi estadu membro ASEAN no Sekretariadu ASEAN.

“Ami hein finalizasaun no adopsaun relatório avaliasaun FFM, hafoin avaliasaun komprensivu aplikasaun Timor-Leste ba adesaun ASEAN sei desenvolve. Ami espera bele aselera pedidu adesaun Timor-Leste nian ba ASEAN,” hakerek komunikadu conjunta ne´e.

Komunikadu konjunta ne´e mos afirma komitmentu MNE estadu membro ASEAN sira ba forma oioin ba apoia dezenvolve kapasitasaun ba Timor-Leste, inklui iha atividade sira non politika iha ASEAN.

Deklarasaun ne´e simu ho kontenti hosi parte Timor-Leste no hein nafatin ba adezasun ASEAN nian.