MJDAK Realiza Kampionatu Basketbol MJDAK Cup 2024

DILI, www.news-viptv.com – Ministeriu Juventude, Desportu, Arte no Kultura realiza kampionatu basketbol ba feto ho mane ho naran MJDAK Cup, ne’ebe loke offisialmente husi Ministru Juventude, Desportu, Arte no Kultura, Nelyo Isaac Sarmento, Segunda (25/11/2024), iha Resinto edifisiu MJDAK, Lecidere, Dili.

Objetivu MJDAK realiza kampionatu basketbol ne’e hodi fasilita atleta basketbol sira neebe durante ne’e laiha kampionatu relasiona ho problema interna federasaun ho dualismu lideransa.

Nu’udar ministerium ne’ebe tutela ba atividade desportu, Nelyo Isaac mos espera federasaun basketbol bele rezolve nia problema hodi hamosu lideransa ida deit iha federasaun nune’e bele desemvolve hikas basketbol iha Timor-Leste.

Hamutuk iha klubu 9 maka compete iha MJDAK Cup 2024, klubu hirak ne’e maka Aligator, Aileba One Shoot, Baucau Gimata, Bosconian, Brotherhood, LFB, Ponta Leste, Santo Antonio Manatuto, no Savarika.