Milena Rangel: Timoroan nain 55 Tempu Badak Sei Deporta hosi Reinu Unido

DILI, www.news-viptv.com – Autoridade migrasaun Reinu Unido iha tempu badak sei deporta Timoroan nain 55 ne’ebe viola Lei Migrasaun tamba uza vistu turista hodi halo servisu.

Vise Ministra assuntu ASEAN, Milena Rangel esplika, deportasaun ne’e laos deit ba Timoroan nain 55 maibe sidadaun estranjeiru seluk ne’ebe uza vistu turista lei Reinu Unido la autoriza hodi uza fali ba halo servisu.

“Hanesan ita hotu akompania katak, ita nia maluk Timoroan sira ne’ebe mak tama iha inglatera ho vistu hanesan turista, ita hatene ne’e 6 mezes, agora iha immigration policy ne’ebe ke regirozu uituan, normal pais ida iha sira nia mudansa lei imigratoriu, kuandu to’o altura ida sira hare katak, iha pratika ruma la tuir lei no sira laos deporta Timoroan deit, maibe husi pais lubuk ida, inklui Timor-Leste,” dehan Milena Rangel ba jornalista sira hafoin partisipa seremonia entrega karta kredensial husi Embaixadora Donna Welton nu’udar embaixador foun Estadu Unidos Amerika ba Timor-Leste, Tersa (16/7/2024), iha Palasiu Prezidensial, Dili.

Kona-ba mate isin Timoroan ida ne’ebe mate iha Portugal, Governu Timor-Leste halo ona prosesu hodi lori mate isin mai Timor-Leste.

Nia mos informa, akontesementu ne’ebe akontese iha Fatima, Portugal la estraga relasaun bilateral entre Timor-Leste ho Portugal ne’ebe kontinua forte ba bebeik.