Lere Halakon Luolo iha Lautem

LAUTEM, www.news-viptv.com – Avansa sem apoiu hosi Partidu FRETILIN, Jeneral reformadu Lere Anan Timur iha eleisaun prezidensial sobu votos FRETILIN iha Munisipiu Lautem hodi halakon Francisco Guterres Lu-Olo ne’ebe durante ne’e nunka lakon, dadauk ne’e tenki kontenti iha numeru 3.

Iha Lautem, Lere Anan Timur sai vensedor hafoin hetan votos hamutuk 11.281 (31.62 %), iha numeru daruak Jose Ramos Horta ho votos 8.654 (24.26%) no Lu-Olo iha fatin datoluk ho votos 7.217 (20.23%).

Reportagem jornalista VIP TV iha Sentru Votasaun Sika, Suku Baduro, Postu Administrativu Lautem, Munisipiu Lautem, hamutuk iha eleitores trezentos e dois

302 maka fo nia votos no situasaun lao normal.

Iha sentru votasaun Sika, kandidatu Jose Ramos Horta maka sai nia vensedor ho votos cento e dois

102, tuir kedan Armanda Berta dos Santos ho votos 62, Mariano Assanami Sabino (47), Luolo (37), Lere Anan Timur (28), Iabel Fererira (6), Hermes Barros no Rogerio Lobato hetan votos 1 no  kandidatu seluk la hetan votos.

Total eleitor hosi Munisipiu Lautem hamutuk iha 48.012. Hosi numeru ne’e nain 36.626 deit maka fo nia diretu votos.

Entertantu votantes elijivel ne’ebe STAE rejistu ba Timor-Leste tomak hamutuk iha 853.613.

Reportagem: Marcia da Cruz