Kresimentu Ekonomia Sa’e 4.1%, Timor-Leste Menus iha Investimentu Ekonomia

DILI, www.news-viptv.com – Banku Mundial iha nia relatório semi annual maski relata kresimentu ekonomia Timor-Leste nian sa’e to’o 4.1% iha 2024 no 2025, maibe nasaun ne’e sei menus iha investimentu ekonomia.

“Ekonomia Timor-Leste hatudu ona resiliente ai han ida ne’ebe diak, no baihira ita hare ba  tinan 2024 , atensaun ne’ebe boot ba investimento kapital no orsamento nasional sei apoiu ba perspetiva ida ne’e,” dehan Reprezentante Banku Mundial iha Timor-Leste, Bernard Harbone iha Salaun Banku Mundial Díli, Segunda (26/2/2024).

Maski kresimentu ekonomia TL sa’e 4.1%, maibe Timor-Leste sei menus hela investimento iha área ekonomia ninian.

“Ita hare ba pontu importante tolu mak konsumu, investe no exporta. Iha ita nia nasaun Timor-Leste, konsumu mak lao diak ona. Tamba, ema hotu presisa han-hemu no sira seluk. Ita Koalia kona ba investe, ne’e sei menus tebes tamba buat hot-hotu ne’e ita depende liu ba governu,” esplika Bernand Harbone.

Nia fo izemplu dependensia ba governu mak hanesan ospital. Ita nasaun seluk, wainhira ema ba konsulta, ema mak selu doutor sira. Oinseluk ho Timor-Leste, ne’ebe ema ba konsulta, governu maka selu dotor sira.

“Timor-Leste mos ita seidauk exporta ita nia produto rasik ba nasaun seluk, maibe ita Importa fali sasan husi rai liur nian mak barak liu mai ita nia rain, entaun ita iha ekonomia no seluk tan maibe ita rasik la investe,” nia dehan.