Kondisaun Papa Francisco Kontinua Kritiku

DILI, www.news-viptv.com – Gabinete Imprensa Santa Sé nian fó sai atualizasaun médiku tuirmai kona-ba Papa Francisco iha loron-sábadu kalan (22/2/2025) kontinua kritiku.

Hospital Gemelli Roma ne’ebe Papa Francisco halao hela tratamentu.

“Kondisaun Santu Padre kontinua kritiku. Tanba ne’e, hanesan esplika ona horisehik, Amu-Papa la sai hosi perigu. Ohin dadeer, Papa Francisco hasoru krize respiratóriu ida hanesan asma ho intensidade ne’ebé naruk, ne’ebé presiza administrasaun oksijéniu ho fluxu aas,” sita notisias Vatikanu ne’ebe publika iha https://www.vaticannews.va/en/pope/news/2025-02/pope-condition-critical-but-no-new-respiratory-crisis.html.

“Teste sira raan nian ohin nian hatudu mós trombositopenia, asosiadu ho anemia, ne’ebé presiza administrasaun transfuzaun raan nian,” sita tan notisias ne’e.

Santu Padre alerta nafatin no pasa loron iha poltrona ida, maski nia kolen liu duké horisehik. Agora daudaun, prognóstiku sei iha hela guarda.

Iha Setembru 2024, Papa Francisco iha nia vizita servisu ba Azia Pasifiku, vizita mos Timor-Leste, depois Indonesia, Papua Nova Guine no Singapura.

Vizita Papa Francisco iha Timor-Leste halao iha 8-11 Setembru 2024, simu antusiasmu husi Povu Timor-Leste liu husi rihun atus ne’en.