Komisariu KAK  Foun Sei Tau Importansia Investigasaun ba Asuntu Korrupsaun

DILI, www.news-viptv.com – Presidente Parlamentu Nasional (PPN), Fernanda Maria Lay,  fo’o pose ba Komisariu Komisaun Anti Korupsaun (KAK), Rui dos Santos, Sexta, (5/7/2024), iha uma fukun Parlamentu Nasional.

Seremonia posse ba Komisariu KAK foun’ebe mos hetan partisipasaun husi Primeiru Ministru Xanana Gusmão no Ministru Justisa, Sergio Ornai no membru governu balun.

Komisariu Rui dos Santos hateten, iha nia servisu sei kontinua kazu pendenti sira no kazu hirak ne’ebe hetan atensaun husi publiku hodi bele prosesa ba Ministeriu Publiku.

Durante nia mandatu, nia mos hateten sei servisu hamutuk ho Ministeriu Publiku no sei la halo persigisaun politiku no sei la prosesa sira ne’ebe du’un no laiha faktus.

Entertantu Xefe Bankada CNRT, Patrocino Fernandes dos Reis laduvida ho kapasidade Komisariu foun KAK ne’ebe iha esperensia lubuk ida iha area investigasaun no justisa nian, inklui antes asumi ona kargu nu’udar adjuntu Komisariu KAK.

Nune’e mos Deputadu KHUNTO, Antonio Verdial de Sousa husu ba Komisariu foun KAK ne’e atu servisu tuir duni lei ne’ebe iha no ho responsabilidade.