Kazu Rai Naktuka, CNRT Husu FRETILIN Lalika Duvida Lideransa PM Xanana iha Rezolve Fronteira Timor-Leste

DILI, www.news-viptv.com – Bankada CNRT husu ba deputadu sira husi Bankada FRETILIN atu lalika duvidas ho kazu naktuka ne’ebe sei rezolve entre Timor-Leste ho Indonesia iha lideransa Primeiru Ministru Kay Rala Xanana Gusmão.

Cedelizia Dos Santos nu’udar deputada CNRT hateten, lideransa PM Xanana povu hotu la duvidas ona, maski lideransa ho kuadrus FRETILIN sira kontinua duvidas hanesan fronteira maritima entre Timor-Leste ho Australia ne’ebe ikus PM Xanana kontinua lori Timor-Leste manan nia soberanu ba maritima nian.

Nune’e mos Gabriel Soares nudar mos deputadu CNRT lamenta ho deklarasaun politika Bankada FRETILIN ne’e kestiona no deskonfia PM Xanana ho ekipa negosiador fronteira terreste entrega ona rai Naktuka ba Indonesia.

Deputadu CNRT seluk, Natalino dos Santos mos kestiona ho sentidu estadu bankada FRETILIN nian ne’ebe la fiar ba Governu hodi bele rezolve problema naktuka, hodi hamosu frakeza nasional Timor-Leste nian ba Indoensia.

Reprezenta Governu, Vise Ministru assuntu Parlamentar, Aderito Hugo informa problema Naktuka sedauk iha dezisaun final no konkordansia entre governu Timor-Leste no Indonesia no kontinua konsidera rai naktuka nudar rai disputa.