João Bosco Ximenes Kampiaun Timor Island Adventure 2024

DILI, www.news-viptv.com – Siklista Nasional, João Bosco Ximenes ho numeru bisikleta 024 sai kampiaun Timor Island Adventure 2024.

Torneiu internasional ho total distansia 461,37 KM ne’e hahu start husi Fulan Fehan, Atambua, NTT Indonesia no finish iha Baucau, Timor-Leste.

Tuir kedan Joao Ximenes iha fatin daruak okupa husi siklista feto husi Australia, Gina Ricardo no fatin datoluk hetan husi Scott Andrew husi Australia.

Ho vitoria ne’ebe hetan husi manan nain sira, Vise Primeiru Ministru no Ministru Koordenador assuntu social ho Ministru Desenvolvimentu Rural ho Habitasaun Komunitaria, Mariano Assanami Sabino hatoo agradesementu ba atleta sira ne’ebe finaliza ona eventu ne’ebe lao desde loron 8 to’o 13 Dezembru.

Timor Island Adventure 2024 realiza tamba inisiativa husi Prezidenti Republika Jose Ramos-Horta hodi promove turizmu, desportu no amizade entre pobu nasaun rua.