JFP Xa-Ra Hakarak Ramos Horta ba PR

DILI, www.news-viptv.com  –  Antigu Prezidenti Republika, Jose Ramos Horta fo posse ba estrutura nasional no munisipiu Junta Forsa Politika Xanana – Ramos Horta (JFP Xa-Ra) hodi lori hikas figura rua ba ukun fali.

Iha nia politika JPF Xa-Ra hakarak lori Ramos Horta ba kargu Prezidenti Republika no Kay Rala Xanana Gusmao ba kargu Primeiru Ministru.

Ba jornalista sira, Lucas Soares nudar Koordenador JFP Xa-Ra informa objektivu movimentu harii hodi lori duni figura rua refere ba lidera nasaun Timor-Leste ba future nebe diak liu tan.

Ba apoiu JFP Xa-Ra, Ramos Horta hato’o agredese ba movimentu refere hodi fo sira nia konfiansa ba nia no Xanana Gusmao.

Iha fatin hanesan, lideransa Partidu FRETILIN, Rogerio Tiago Lobato afirma nia pozisaun hodi fo apoiu ba Ramos Horta no Xanana Gusmao ba lidera hikas Timor-Leste nudar lider ba estadu.

Natalina Martins / Bendito Soares VIP TV.