Japaun Apoia Miliaun 6 resin ba Timor-Leste

DILI, www.news-viptv.com – Governu Japaun apoia tan orsamentu Miliaun atus walu resin ida yen ou ekivalante miliaun 6 resin dolares amerikanu ba governu Timor-Leste ba projetu melloramentu ekipamentu ba redusaun no rekoperasaun risku dezastre.

Apoia orsamentu hosi governu Japaun ne´e realiza liu hosi asina akordu entre Embaixador Japaun ba Timor-Leste, Tetsuya Kimura no Ministru Negosiu Estranjeiru no Koperasaun internu atual vis eministru Juliao da Silva, Kinta (12/1/2023) iha Salaun Konferensia Minisiteriu Negosiu Estranjeiru no Koperasaun.

Atribui osan refere hosi Governu Japaun ne´e ho objetivu atu reforsa kapasidade redusaun no rekoperasaun risku dezastre liu hosi atualizasaun no melloramentu ekipamentus konstrusaun ba manutensaun infraestrutura relasionadu ho redusaun risku dezastre hanesan estrada, kanal mota no drenajen hodi kontribui ba aumenta rezilensia dezastre iha Timor-Leste

“Prevensaun risku dezastre sai prioridade ba Governu Japaun, ba asuntu ne´eami apoia dolares miliaun 6 resin espesialmente ba ekipamentu dezastre. Ami mos halo teknikal koperasaun no dezenvolvimentu kapasitasaun mos importante ba nasaun ne´e,” dehan Embaixador Kimura ba jornalista sira.

Subvensaun orsamentu refere atu uza ba akizisaun ekipamentu inklui makina pezadus, hanesan veikulus bomba drenajen, eskavadeira hidraulikas, eskavadeira no baskulante kaminoes, servisu konsultoria no assistensia relasionadu ho teknolojia.

Governu Japaun iha komprimisiu atu kontribui dezenvolvimentu infraestrutura inklui redusaun risku dezastre ne´ebe sei lori ba moris seguru liu tan ba ema hotu iha Timor-Leste, espesialmente ba sira ne´ebe iha grupu mais vulnerable.

Komitmentu Governu Japaun ne´e ba asuntu ne´e mos hatudu liu hosi programa JENESYS 22 ne´ebe iha Dezembru tinan kotuk, fo oportunidade ba Timoroan iha instituisaun governu ne´ebe liga ba servisu prevensaun ba dezastre nian halo vizita semana ida ba iha Japaun hodi hare´e esperensia Japaun nian oinsa halo prevensaun ba dezastre.